Mizoram Assembly-i UN temeten telemtetba agizüka ayur

Aizawl, October 08 (Agencies): Mizoram Assembly-i United Nations (UN) Declaration on the Rights of Indigenous Peoples temeten telemtetba tanü Brehostibar nü agizüka yuogo.
Mizoram opposition aser Mizo National Front (MNF) yimtenren telok lenisang, Vanlalzawma-i onük benokba sülen yimsüsürtemi iba telemtetbaji agizüka ayu.
Tanü yimsüsürtemi liso nüburtem asoshi UN-i renemtsüba temeten asangsang nung benshitettsüsa India sorkari nungdakba maparen inyaktsüba atema India sorkar dang pelaba metetdaktsüba den külemi, tarutsü nunga kasaji benshitsü lemteta ayu.
Yimtenren den sentakba mangatettepbaren ajunga tezülen yutsür külen tang Mizoram madak yimsüsütsü tashi benokba Congress telok aser opposition telok napronglai Mizo nunger ajunga sorkar ka kübok lungjemtsü imlaba olen ka tesülen metetdaktsü.
Tanü senden nung Mizoram Chief Minister, Lal Thanhawla; Home Minister, R Lalzirliana aser Parliamentary Affairs Minister, R Romawia nunger densema yimsüsür 15-i shilem agia liasü.