Mizoram BJP Tir inyaktsü atema Prof John V Hluna shim

Aizawl, January 5 (Agencies) : Mizoram nung BJP Tir inyaktsü atema Prof John V Hluna shimogo ta tanü BJP osang ka ajanga metetdaktsü.
Hluna ya Pachhunga University College nung professor ka lir aser pai küm asem atema BJP unit nung Tir mapa inyaktsü aser iba sülen election agitsü, ta BJP sangdong ka nung metetdaktsü.
Ano, BJP indang National Council nung taoba Young Mizo Association (YMA) tir Lianzuala, central committee nung shimokogo, ta sangdong nungsa ashi.
Aizawl nung agiba senden nung mendenji BJP otongdar Nalin Kohli liasü aser north east nungi BJP lennir aika aden.
Yaküm December 18 nü Mizoram nung BJP-i organisational election magitet aser iba mapang party züngsemtemi Hluna Tir shimtsüba memulungi liasü. Ibaji ajanga Mizoram BJP unit nung meputep aliba jungkai adoka sayua liasü.