Mizoram Cabinet-i Lokayukta atema mapa 35 tasen yanglutsü

February 9, 2017 (Agencies): State law judicial department ajanga Lokayukta amentsü asoshi takümbo makoktsü, ta metetdaktsüba sülena Mizoram cabinet-i Lokayukta atema mapa 35 yanglutsü atema lemtetogo.
Mizoram nung Lokayukta Act ya, 2014 state Assembly nung yanglu, saka 14buba finance commission ajanga state-i meshiba ama sen magütsüba ajanga, iba ya tang tashi mataloki lir.
Yashi nikongtsütsü council of ministers senden ka nung, Social Welfare department for women & Child Development ana küma lemdangtsü asoshi lemtet. Maneni district 8 prongla nung AYUSH aser constitution of District Planning Committees, Directorate balala tentettsü asoshi lemtet.