Mizoram Civil Secretariat ki nung mi adok

Aizawl, April 19 (Agencies) : Civil Secretariat ki nung mi adoka sen crore 1 alang rongsen meshimeshia rongtokogo, ta tanü Mongulbarnü police-i metetdaktsü.
Hombar aonung Civil Secretariat ki, apartment asem (3)–Information & Communication Technology, Revenue & Land Settlement aser Higher & Technical Education department tem amenoka aliba Civil Secretariat Annexe-I takdangtem nung iba mi tesashi adok, ta police ketdangser tain kati ashi.
Mi den rarartemi iba mi meremsep tsüngda iba mi tesashi agi sorkar meyong rongsen sen crore 1 alang khenyongi mali küma rongdoktsü, ta Aizawl District SP Lalhuliana Fanai-i PTI osangbenertem dang ashi.
Aji oda süaka iba lendong nung yiruba mesüra asüba osangbo kecha mali.
Fanai-i, iba mi kechi nungi adokar ano mejangjateti lir, electric short-circuit asüba ajanga iba lendong atalok asütsü südi ta temulung melemi bilemer, ajisüaka iba tatalokba bushisüngdang asütsü tenzükogo, ta ashi.
Civil Secretariat ki ya Raj Bhavan anasa Treasury Square tesem nung lir aser iba kidang secretariat office ajak lir.
Tia kanga ka ‘data centre’ (e-governance room) bo iba mi agi tera danga metangshi.