Mizoram CM-i Arogo aija jembi

Aizawl, July 06 (Agencies): Mizoram Chief Minister Lal Thanhawla-i state nung denomination tulutiba, Presbyterian Church aitsüba olen ka nung, Arogo lenirtemi yi anemer asü state sorkar anemer, ta ashi.
Hokolbar nü MPCC yimtenren senden nung jembidang Chief Minister-i, Arogoi yi anemer asü state sorkar anemer’ar pa kanga ratamatar, ta ashi.
“Presbyterian Church-i yimya khenyongi balaka nung yi anemba asoshi ni shisadanga liasü. Arogoi yi anemer asü Congress sorkar anemer’ar ni ratamata liasü, kechiyong yi nokdangba mapang Arogoi yi ayoker par züngsem kar danga azüokba osang mali,” ta Thanhawla-i ashi.
Lal Thanhawla-i ashiba agi, alima nung linük katia yi khenyongi nokdangba nung junga takok ngua mali, Arogoi mepishiba yong Mizoram nunga kasaji benokogo.