Mizoram-i alima tesem balala nung benjung amungtsü

Aizawl, August 16 (Agencies): Mizoram sorkari alima tesem balala nung Mizo nunger ka küma longjemtsü atema telongjem benjungtem ayonga amungtsü.
Mizo nungeri benjung ayonga amungtsü atema sorkari sen crore 1 lemzüktsüogo ta Hokolbarnü State tourism department ketdangser kati metetdaktsü.
Chief minister Zoramthanga-ia Independence Day o jembidang iba osang metetdakja liasü.
“Alima nung Mizo unity festivals amungtsüba ya onoki taoba mapang nangzüka lir” ta Zoramthanga-i ashi.
Mizoram nung nütsüng yongsük 1,091,014 (2011 census) lir aser iba nungi Khristan tamanger 87% lir.
Tripura tourism department-i brand ambassador inyaktsü atema Jeremy Lalrinnunga shim.
Jeremy ya Buenos Aires (Argentina) nung Youth Olympics alidang Weightlifting (men’s 62kg group) nung Gold Medallist angur lir.
Centre-i ayongba “Swadesh Darshan Scheme” kübok tourism department-i Thenzawl Golf Course ka yanglu tenzükogo aser Serchhip district nung eco-resort ka yanglutsü, ta tourism department ketdangserisa ashi.
State sorkarisa Sakawrhmuituai Tlang mountain nung mezüngbuba skywalk ka yanglutsü meranger.