Mizoram-i Chakma lennirtem yokba atema BJP-i ashishir

Aizawl, Mongputeni (October) 24 (Agencies): BJP-i Tripura nungi Chakma nunger lennir kar Mizoram nung nüboyimtsü atema yoktsü lemtetba ajanga Mizoram nung BJP pur koda masü tia ka ajuruogo, kechiyong Mizoram nung Chakma aser Mizo nunger tsüngda mepetmesü lir.
Tripura nung Biplab Deb’er Cabinet nung minister tanubosang Santana Chakma den kentener MLA Shambhu Chakma nati Mizoram semdangtsü.
“Parnok Chakma nunger aliba tesemtemi yoktsü lemtet saka Mizo nunger teimba sür aliba tesemtem nung parnok magizüker ta asübaji ni angateta lir” ta candidate kati ashi.
Mizoram nung Chakmaland tentettsü takhangba agütsüba onük atema BJP lennir aikati Chakma nungeri nüboyimtsüba atema shisabulur.
Mizoram nung MNF aser Congress teloktemi Chakmaland takhangba magizüker.
Mizoram nung Chakma nunger nütsüng yongsükji 100,000 dak tema asütsü ta asadangteter aser parnok ya Theravada Buddhist tamangertem lir.
NEDA nung MNF-i parnok den yaritepaka BJP-i Mizoram assembly menden ajak (40) nung tokteptsü ta Ram Madhav-i metetdaktsüogo.
Külen, Congress-i MNF ya BJP atema mapa inyaktsür ka lir aser parnok ya Northeast nung Khristantem teimba sür aliba state tem nung BJP-i sorkar akümtsü atema proxy ama lir ta metetdaktsüogo.