Mizoram Land Bill agizükogo

Aizawl, April 21 (Agencies): Brihostibarnü Mizoram legislative assembly nung Mizoram Land (Acquisition, Rehabilitation & Resettlement) Bill, 2016 agizükogo; iba bill ajanga ali kiburtem nem senotsü teyari  agütsütsü benoker.
Iba Bill benokdang Land Revenue & Settlement Minister, R Romawia-i, terenlok mapatem atema sorkari ali agiba ajanga kongshia alir ali kiburtem nem teyari tagütsütsü tim agütsütsü atema iba bill renemogo, ta metetdaktsü.
Parliament nung Right to Fair Compensation & Transparency in Land Acquisition, Rehabilitation & Resettlement Act, 2013 agizüka lir ajisüaka state assembly-i ibaji magizük.
State legislature-i iba bill ji kasa onük nung agizük, kechiyong ali kibur aser ali kibur melenba onük nung India linük Temzüng Arrla 371 (G) ozüng kübok state nem kümzüka ayutsü latetja lir.