Mizoram lanurtem nem pre-recruitment training agütsütsü

Aizawl, Chiteni (July) 27 (Agencies): Mizoram nung lanurtem renlokdaktsütsü atema government agency Mizoram Youth Commission (MYC)-i lanur 200 shi Army aser Central Armed Police Forces nung map ngudaktsütsü atema pre-recruitment training agitsü.
MYC chairman aser Congress MLA Joseph Lalhlmpuia-i ashiba agi, Mizo nunger lanurtem Indian Army aser Central Armed Police Forces nung mapa ngudaktsütsü atema onoki kanga inyakdar.
Kaketshirtem atema pre-recuitment training ji Luroi (August) ita tetenzüklen agitsü. October ita Army recruitment rally agitsü aliba dak rangloker iba training agitsü. Ano, Staff Selection Commission-i Central Armed Police Force (constable) Examination ketdangsüa agitsü, ta paisa metetdaktsü.
Mizoram kübok district district headquarters 8 nung pre-recruitment training ji agitsü, ta Joseph Lalhlmpuia-isa shisem.
State sorkari taküm ya Mizo nunger lanurtem atema ‘mass recruitment in Indian Army’ küm asütsü ta sangdongogo, ta paisa ashi.
Paisa Shillong nung aliba Zonal Army Recruitment Officer dang Mizoram nung Army recruitment rally agitsü anogo melenshitsü atema asüngdangogo.
Taküm November ita State Assembly elections agitsü lir aser iba jagi anogo melenshitsü mepishi.
“Ketdangseri onoki mepishiba agizük aser Mizoram nung recruitment rally ji taküm October 3 nungi 6 tashi agitsü telemtetba agiogo” ta Joseph-isa ashi.
Lalhlimpuia also said that pre-recruitment training will be conducted under the supervision of respective district Deputy Commissioners.
Pei pei district Deputy Commissioner temi ketdangsüa pre-recruitment training agitsü, ta paisa shisem.
Army atema pre-recruitment training ji soldier general duty, soldier tradesman, clerk/store keeper, technical, nursing assistant aser soldier technical atema agitsü.