Mizoram lemsatsü merangba anema nokdaktsü: Lal Thanhawla

Aizawl, September 1 (Agencies): Hokolbarnü Mizoram Chief Minister, Lal Thanhawla-i state nung telemsa adokdaktsütsü merangba mapa anema nokdaktsü ta metetdaktsü.
Aizawl nung aliba Congress Bhavan nung Congress züngsemtem den jembidang, Lal Thanhawla-i “kin nung ajemdaker state nung telemsa adokdaktsütsü merangba mapa magizüktsü aser anema nokdaktsü” ta ashi.
Mizo nungertemi yimten ken o tem nung kanga dang kümdanga aser shisadanga inyaktsüla, ta paisa ashi.
NGO Coordination Committee-i yimtenren telok ajak dang Chakma nunger candidate ka danga election nung meshimtsü atema mepishiba atema Thanhawla-i, ‘iba tangatetbaji Mizoram nungeri magizüker,’ ta ashi.
“Chakma nunger mashi ka aser India senso kati Independent ama-a election nung tokteptsü akok. Chakma nungeri election nung toktepa takok angutsü” ta paisa metetdaktsü.