Mizoram-Myanmar arrtsülen Myanmar nunger nisung ana ket nungi Herion apu

Aizawl (Mizoram), August 20 (Agencies): Mizoram-Myanmar arrtsülen aliba jila, Champhai nung Police-i Myanmar nunger ana ket nungi sen lakh 25 shi jenjang heroin apu.
Heroin ji gram 700 liasü aser ibaji Myanmar nungi shibelena bener aruba liasü, aser mozüji tena ket nungi yashi apu, ta tanü Police-i osang ka ajanga metetdaktsü.
Myanmar senso anaji Tahan nungo arishi küm 19, Lalengliana aser Falam nungi arishi küm 30, Vansuihhmung na liasü.
Narcotic Drugs & Psychotropic Substances Act, 1985 kübok tapet section balala nung ajemdaker tena anema ken o benokogo, ta police-isa metetdaktsü.
Tanü tena district court ka matsüngdangi anir oa liasü.