Mizoram nung BJP-i menden ajak nung tokteptsü

Aizawl, November 3 (Agencies): BJP-i Mizo National Front (MNF) den tesentaktep kecha melii dang Mizoram Assembly election nung tokteptsü ta osang metetdaktsüogo.
BJP-i aniba North East Democratic Alliance (NEDA) nungbo MNF dena lir saka parnok balaka sür tokteptsü, ta BJP National Secretary for Scheduled Tribe Morcha, Hayithung Bill Lotha-i ashi.
Aizawl nung osangbener senden ka nung jembidang BJP-i Mizoram Assembly election menden 40 prongla nung tokteptsü ta Bill Lotha-i ashi.
Mizoram Assembly election nung BJP-i takok angutsü aser sorkar akümtsü saka BJP-i chief ministerial candidate indang tenüngbo metetdaktsütsü, ta paisa shisem.
Kanga dang tezülen aliba Siaha aser Lawngtlai district tem dena pa den tanga lennirtemi assembly constituency 20 semdangogo, ta BJP National Secretary for Scheduled Tribe Morcha-isa metetdaktsü.
Tripura nunga BJP-i sorkar akümtsü aser Meghalaya o Nagaland nunga tanga teloktem den külemi teloktep sorkar akümtsü, ta paisa shisem.
Tripura, Meghalaya aser Nagaland nunga sangküm Assembly elections agitsü sentong lir.