Mizoram nung BJP lenir 8 anentsüogo

Aizawl, February 05 (Agencies): Party anema inyakba ajanga BJP Mizoram unit-i party tatong Tir, Chalngura Zahau densema BJP lenir 8 anentsüogo aser state nung district committees ajak anentsüogo.
Tang tasen shimba state party tongti, Prof John V Hluna-i yasüng item tetuyubaji agüja liasü.
Tanü Aizawl nung osangbenertem den jembidang Hluna-i, BJP lenirtem anentsüba osangji party national lenirtem danga metetdaktsüogo, ta ashi.
“District committee temji tanaben tentetshitsü atema anentsü,” ta state BJP tongti Hluna-isa ashi.
Tawa Hluna-i party tatong Tir atema Chalngura Zahau shima liasü, ajisüaka pa-a densema lenirtem anentsüogo.
Iba dak sentakba nung tang anentsüba lenirtemibo kecha jembia mali.