Mizoram nung cancer screening mela agi

Aizawl, Rongchii (April) 27 (Agencies): Health Department of Mizoram-i Public Foundation of India aser National Health Mission den yaritepa cancer screening mela ka ayonga agi.
Iba sentong ya Swasth Uttar Purv kübok agi aser Ministry of Development of North Eastern Region (DoNER)-i teyari agütsü.
Sentongji Kolasib District, Diakkawn YMA Hall nung agi aser wadang balala nungi tongtipang nisungtem aika aden. Mizoram nung yimsüsürtemi anir celebrity tem aser lokti lennirtemi ‘Come on Mizoram, together let’s beat Cancer’ omen nung ajemdaker agiba sentong nung shilem agi.
Miss Mizoram 2018 Thanthani aser Miss India Mizoram 2018 Lily Darnei naprong iba sentong nung aden aser nisung 100 shi temang tendanga reprang.
Medical department balala (eye, medicine, pediatric, ultrasound, ECG, ENT) nungi shirangertemi cancer screening mela nung temang tendanga liasü.