Mizoram nung heroin gram 410 bener nisung 4 apu

Aizawl, January 25(Agencies): Mizoram nung tanü tesem balala ana nung heroin sen lakh 11.5 jenjang gram 400 dak tema puogo. Iba dak sendakba ken o nung nisung 4 pua lir, ta ketdangsertemi ashi.
State Police Special Narcotic Cell ketdangsertemi yashi nikongtsütsü Aizawal nung heroin gram 308 bener lia nisung ana puogo. Iba nisung ana rongnung kabo Myanmar nungi liasü.
Maneni Excise aser Narcotic department ketdangsertemi yashi nikongtsütsü Zotlang, Mizoram-Myanmar arrtsü anasa Champhai jila nung heroin gram 102 bener apu. Iba dak sendakba ken o nung Myanmar nunger ana puogo, ta ketdangsertemi ashi.
Narcotic Drugs & Psychotropic Substances Act, 1985 nung ajemdaker par 4 aitsüogo.