Mizoram nung ILP malir nisung 20,700 apu

Aizawl, February 26 (Agencies): 2015 küm nungi ILP tejangja mebeni arur nisung 20,700 tashi puogo, ta Mizoram Home Minister-i metetdaktsü.
Tanü assembly nung Independent MLA Andrew H Thangliana-i iba atema asüngdangdang, Lalchamliana-i “2015 nungi taküm January ita tashi nung state police-i nisung 20,765 tashi apu aser parnok 19,220 tashi meyipa yok” ta ashi.
Kasa mapang nungsa ILP 5,53,321 tashi agütsüogo, ta paisa ashi.
Mizoram nung ILP system tajungba kümdaktsütsü atema state sorkari mapa inyaker. Yaküm December ita sorkari online ILP portal ka lapokogo aser NGOs o general public atema ILP Mizoram mobile apps sayatsü. State sorkarisa police atema ILP Enforcer mobile apps sayatsüogo, ta Home Minister-isa shisem.