Mizoram nung Lalrinliana Sailo-i MNF nung aden

Aizawl, Mongputeni (October) 5 (Agencies): Mizoram nung Congress züngsemtemi telok toktsüba mapa maneni inyaker.
Taoba Mizoram heath minister aser All India Congress Committee member Lalrinliana Sailo-i MLA menden toktsüba sülen Hokolbarnü Mizo National Front nung denogo.
Taoba Mizoram chief minister aser MNF president Zoramthanga-i pa pela agizük.
Sailo ya 2008-2013 tashi Lal Thanhawla-i aniba sorkar nung health minister liasü.
Tanü MNF indang general headquarters Mizo Hnam Run nung MNF züngsem aika adenshi.
Congress ya tensa tamajung ka nung lir. Iba tiaji ajiteta Congress lennirtem ka khen ka ta telok toktsür, ta tanü Zoramthanga-i o jembidang ashi.
“Ni menden toktsüba sülen koba telok nung adentsü ta bilema aru. MNF ya state indang political party ka lir aser iba nung adentsü junger ta ni mulungtet” ta Lalrinliana Sailo-ia ashi.
MNF osang ka ajanga ashiba agi, taruba Mizoram Assembly election nung taoba AICC züngsem Lalrinliana-i Chalfilh constituency nungi tokteptsü.