Mizoram nung longkak aitertemi gari rongdoktsü

Champhai, April 21 (Agencies): Champai civil hospital nung doctor peria maliba anema Mizo Zirlai Pawl (MZP) teloki Brehostibarnü Champhai Deputy Commissioner office kima longkak aitba mapang garitem rongdoktsü.
District civil hospital nung doctor tem peria maliba ajanga Champhai district nung aliba MZP teloki mokdang tenzüker anogo tasemnü buba nung mejangjaba lanur ka DC office telungi ait aser garitem anena aliba nung mi senoktsü.
“DC office indang gari asem aser bike ka, aser nija indang gari ka rongdoktsü. DC office indang kejiba kar raksatsü,” ta Sardar Pachhunga SDP Champai-i ashi.
Longkak aitertem senshidaktsütsü merangba mapang longkak aitertem aser police tsüngta rongrong adok.
“Iba lendong nung tetsür ka tensema nisung pezü yiru. Iba ken o dak sendakba nung nisung kata mapu. District hospital nung doctor peria agütsütsü asoshi MZP ajanga taküm küm February ita nungi takhangba agüja arur,” ta ketdangser ajangasa ashi.