Mizoram nung MLA tem itasen 130% ajungketer

Guwahati, November 22 (Agencies): Mizoram assembly-i MLA indang itasen ajungkettsü atema Bill tem agizükogo aser iba ajanga parnok indang itasen 130.77% agi teimba akümtsü.
Iba inyakyim ajanga chief minister-i ita nung salary &allowances Rs 1.84 lakh angutsü.
Maneni, MLA shiai ita nung Rs 1.5 lakh angutsü. Mizoram parliamentary minister TJ Lalnuntluanga-i amendment bills ji assembly nung benok.
Chief minister Zoramthanga dena nisung 9-i olemtep nung adenba sülen bill tem agizüka ayu.
MLA tem nem ita shia Rs 65,000 agüja aliba nungi Rs 1.5 lakh agütsütsü aser ibaji 130.77% ajungketba lir.
Iba pay structure tasen ajanga Assembly speaker-i Rs 1.73 lakh aser cabinet minister tem o leader of the opposition nungeri Rs 1.68 lakh angutsü.
Maneni, deputy speaker-i Rs 1.61 lakh aser ministers of state o deputy government chief whip-i Rs 1.57 lakh angutsü.
Talisa, MLA tem indang pension ji Rs 25,000 aliba nungi Rs 40,000 ajungkettsüogo aser khen dang nungi teimba inyakertemi ita shia Rs 5,000 angutsü.
Ajisüaka, pension ji ita nung Rs 70,000 tema magütsütsü.
MLA temi nübortem tajungba nung tenzüktsü teimla nung salaries aser allowances ajungkettsür, ta Chief minister Zoramthanga-i metetdaktsü.