Mizoram nung Mopung tesashi agi ki raksatsü

Aizawl, April 07 (Agencies) : Mizoram aser Assam arrtsülen aliba Kolasib district kübok Serkhan yimtsüng nung kibong asem aliba ki ka mopung tesashi agi raksatsüdang kibong ka nungi nisung asem yiru, ta yimtak lenirtemi ashi.
Lalnunhlima den kinüngtsü Lallawmi aser jala Ramdinsangi nunger Lungdai yimtak Primary Health Centre nung yaridar aser parnok junga lir ta doctor temi shiogo.
Aizawl district kübok Tualbung yimtaka iba mopung ajanga tajemba agi ki 12 taksatsüba den süngdonglidong aser electric post aika laodaktsüogo.
April 4 nungi tang tashi nung iba yipru ajanga state nung ki 500 shi raksatsüogo, ta state disaster management sangdong ka ajanga metetdaktsü.