Mizoram nung National highway-54 mokdanger

Aizwal, June 6 (Agencies): Mizoram aser Assam aartsü nung aliba Kolasib district nung kaketshir lokti balala aser NGO temi NH-54 nung anogo telatet ka makai lenmang mokdangba sentong ka tanüp 5:00 ako nungi tenzükogo. Iba lenmang ya Mizoram atema tongtibangtiba lenmang ka lir.
Joint Action Committee (JAC)-i ashiba agi, Kolasib district nung aliba nüburtemi district mozüki nungi temelen magütsüi surgeon ka belener aoba anema longka aita arudar aser tang agiba jenjang ya iba dak sendak ayongzükba lir.
Mizoram nung tang yimsütesüdak Congress sorkari ashiba agi, district mozüki nung tanga surgeon ka lir aser parnoki iba jenjang agiba ya nüngdak makaba maparen ka lir.
Health Minister Lal Thanzara-i, state public service commission ajanga doctor talila 26 shimba sülen doctor-i anüngba tebilemtsü ya agintsü imlar ta ashi. Paisa ashiba agi doctor tem shimba maparen ya tang tangidak lir aser yakta parnok shima mapa nung anioktsü.
Assam aser Mizoram na sendaktepdaktsüba km 850 talang lenmang ya mapang talangka atema mokdangra, iba ajanga Mizoram nung tebilemtsü adoktsü, kechiyong anogo shia nüngdakba osettsüset balala agi anünga akümtsü.