Mizoram nung prangpong-injang aika angu

Aizawl, October 23 (Agencies) : Hokolbarnü Mizoram nung 39 Assam Rifles-i Myanmar arrtsü anasa AK-47 rifle 5, AK-56 rifle 3 aser magazines 12 ngutetogo.
Osang kar angazükba sülen Assam Rifles telok kati Serchhip district kübok Keitum aser Khawlailung yimtsüngtem tsüngda tesem ka mita aodang prangpong-injangtemji angu.
Item ya Hmingchunga aser Vanpuilala na ket nungi ngutet aser tenaprong ya Myanmar anasa aliba Farkawn yimtsüng nungi lir, ta AR sangdong ka nung metetdaktsü.
Tena den külemi prangpong-injangtemji Serchhip police ket nung agütsüogo, ta parnokisa shisem.
Ita trok tsüngda Assam Rifles-i prangpong-injang aika apubaji tan zünga tanabenbuba lir. Myanmar arrtsü anasa Champhai nunga parnoki US-made M4 A1 rifle 8 apu.