Mizoram nung rakzüraktemer 4 apu

Aizawl, April 29 (Agencies) : 2015 December ita Aizawl-Lunglei Highway nung hon rakzükba ken o nung Mizoram Police, special investigation team (SIT)-i nisung pezü pua lir. Iba den külemi Assam Rifle (AR), 39th battalion züngsema kar dang Aizawl Police Station nung asüngdangyadar.
December 14, 2015 nü Aizawl-Lunglei Highway nung public kar den Assam Rifle kari AK 47 aser pistol amer pa indang gari anendaktsüba sülen parnoki sen crore 14.5 alang hon long rakzüker ao. Item hon long ajak ya Myanmar nungi bener arurba liasü, ta C Lalnunfela-i benokba case nung shia lir.
AR temi ni police dang iba tatalokba ashi nungbo tepsettsü ta amokmerenba ajanga iba case ita pezü sülen ang benok, ta pai shisem.