Mizoram nung tebur dang nungibo tetsür voters teimba

Aizawl, September 16 (Agencies) : Mizoram state election department-i osang sangoktsüba nung par state nung voters 7,22,739 lir aser parnok rongnung tetsür 3,68,757 dena lir.
Mizoram nung vote agütsür teburtem dang nungi tetsür 14,775 agi teimba lir, ta Joint Chief Electoral Officer, F J Liantluanga-i osangbener dang ashi.
Election Commission of India (ECI)-i State Election Commission dang Mamit, Lunglei aser Lawngtlai district tem indang final electoral roll madoki atatsü tetuyuba agütsüba agi state voters’ list menutsüsa aküm, ta Liantluanga-isa ashi.
Tripura nung aliba Bru relief camp 6 nung Non-Government Organisatio kari election ketdangsertem mapa inyakba meinprongba agi ECI-i iba tetuyubaji agütsü.
NGO Coordination committee-i ashiba agi, Tripura nungi Mizoram-i aruba Bru nungertem dang state voters’ list nung dendaktsütsüla ta takhangba agütsü.