Mizoram nung telungpur asem apu

Aizawl September 18 (Agencies): Manipur, Hmar People’s Convention (Democrats) {HPC(D)} nung züngsem ta mulung melemi bilemba nisung asem Mizoram Kolasib district kübok aliba Bilkhawthlir yimtak pua lir, ta police-i ashi.
Parnok ya Brihostibar nü yimtaklirtem dang tashiyim agi sen meshia aliba mapang apu, ta SP Lalzahngova-i ashi.
Par asem apuba mapang nung yimtaklir anati HPC(D) telungpur asem nem sen 12,000 agütsütsü oyaa lia tenata pusem, ta Lalzahngova-isa ashi.