Mizoram nung yi dokan anema tetsürtem lumitsü

Aizawl, February 05 (Agencies): State nung yi dokantem lapokba anema lumia sarasademtsü aser lungkak asoshi Mizoram Baptist Kohhran Hmeichhe Pawl (MBKHP) mesüra Baptist Church of Mizoram women wing-i lemtetogo.
State sorkari tang ozüng tasen agizükba Mizoram Liquor Prohibition and Control Act 2014 kübok yaküm March ita nungi yi dokan lapoktsü melar.
Yashi Lunglei district kübok Mizoram-Bangladesh arrtsülen aliba jila, Tlabung nung MBKHP mungdang alidang state nung yi dokan lapokba anema lumitsü telemtetbaji agia liasü. Iba mongdang nung tejaoker 460 shi dena liasü.
Baptist Arogotsürtemisa state sorkar dang, ozüng tasenba kübok state nung yi mayoktsü atema sorkar dang mepishitsü lemtetogo.
Mizoram Liquor Total Prohibition Act, 1995 ya February 20, 1997 nü state nung benoka liasü, aser küm 18 sülen iba ozüng melenshi.