Mizoram nungi ‘Reverse Tragedy’-i HIRC 2015 takok angu

December 06, 2015 aonung Kohima, IG Stadium nung Hornbill International Rock Contest 2015 takok angur Mizoram nungi ‘Reserve Tragedy’ züngsemtem den Chief Minister T.R Zeliang, tetendangertem, sponsors aser tayongertem külemi tangokba noksa nung angur. 

Kohima, December 06 (TYO): Taküm Hornbill International Rock Contest nung Mizoram state nungi ‘Reverse Tragedy’-i takok nguogo; Deobar aonung Hockey Ground, IG Stadium, Kohima nung grand finale nung band 9-i tetoktepa nung parnoki takok angu.
Takok anguba band Reverse Tragedy nem sen lakh 10 senpet den Trinity College of London-i free band exam ka agütsütsü.
Iba tetoktepba nung 1st runners-up ji Delhi nungi October liasü aser tasembuba jenjang nung takok angurtemji Chennai nungi Grey Shack liasü. Band ana nem lakh pongu aser lakh 2.5 senpettem agütsü.
Ano best Nagaland band ji Tune Up Channels liasü.
Taküm HIRC 2015 nung international band ka, national 17 (Northeast nungi 7) aser local band 6 densema band 24-i toktepa liasü.
Individual awards angurtem:
Best guitarist – Bishal Gurung (Reserve Tragedy, Mizoram)
Best vocalist – Sherry Mathews (October, Delhi)
Best bassist – Sayar Mitra (The Buddha Therapy (Kolkata)
Best drummer – Thupen Bhutia (Crystal and the Witches, Sikkim)
Best Keyboardist – Pritam Boro (2 Square, Assam)