MK Innovations amenokogo

Kethosituo Sekhose, Dy.Resident Commissioner Nagaland House, New Delhi den Mhaleu Metha aser Kesosilie Kennao na aser tangartem tangokba noksa nung angur.

Dimapur, Chiteni/July 6 (TYO): Delhi nung alir lanur ana; Mhaleu Metha aser Kesosilie Kennao na ka restaurant kibur aser ka photographer ama mapa tenzük saka linük ajunga mokdanga ayuba ajanga mapa makai akümba sülen tenati MK Innovation, Made in Nagaland, nüngja agütsür inventor machine ka tenzüka liasü.
Wara tesashi pokteter aliba mapang ka nung tenati hand sanitizer dispenser ka purapitetogo. Iba dispenser ya auto-sensing machine ka lir aser iba machine amshirtemi dispenser nung teka joktsüba mapang pasasa dang alcohol based sanitiser tem khaloktsür. Iba dispenser nung 9 volt replaceable battery ka amshir, koba khen nung hopta asem tashi amshiteter aser hand sanitizer liter 10 inoktettsüsa infrared proximity sensor inokja lir. Iba machine ya custom-made circuit board amshia yangluogo aser iba den 100 PSI 24v pump, solenoid talila aser hand sanitizer tasazük dang khaloktsütsü asoshi flow control valves inoka lir. Iba den bendenloksema dolphin infrared sensor ka inokja lir aser iba ajanga mapa tajungba inyakteter.
MK innovation automatic hand sanitizer dispenser ya frontline public services, office, mozüki, kidang, school, tenlaki, bank, shopping complex amala tesemtem atema tapet asütsü.
Nagaland House, New Delhi nung MK Innovation Hand Sanitizer Machine amenokba mapang Deputy Resident Commissioner Kethosituo Sekhose-i tena nem tenüngsang agütsüba den maneni iba amala osettem yanglutsü ajungshi. Paisa, state nung aliba lanurtem dang lokti ajungkettsü asoshi tebilemdangba tasen benoka inyaktsü ajungshi.
Osang tejangjaba agitsü aser iba oset mekaa ayutsü atema item phone number; +91-8448230932 / 8130168766 den Facebook-InnovationMK, Instagram- m_k Innovation, Twitter- MK Innovation aser Email: mkinnovation985@gmail.com ajanga tongteprateptettsü, ta Nagaland House, New Delhi Officer on special Duty, Planning and Co-ordination Dept., Thomas Thailu-i sangdong ka ajanga metetdaktsü.