Mkg ADC & Administrator MMC-i metetdaktsür

Dimapur, April 19 (TYO) : Mokokchung nung Residential Permit Holders ajaki pei permit mapang süitsü aliba ita nungsa renew asütsüla, aji ta mesüra late fine sen 50 agitsü, ta Addl. Deputy Commissioner & Administrator Mokokchung Municipal Council, Bendanglila-i sangdong ka nung metetdaktsü.

Municipal area telongtet nung sorkar Department mesüra kijatemi kiojen yanglutsü atema tamasa MMC nungi construction permit agitsüla, ta Bendanglila-isa metetdaktsü.

Ano, MMC telongtet nung electrical dokan ajaki Sub-standard electrical wire, gadgets & productive devices/MCBs amala mayoktsü tetuyuba agütsür. Power department aser MMC na külemi ajungbena dokantem mita aotsü, ta laisa sangdong nung shisem.

Bendanglila-isa Mokokchung jila nung alirtem dang kilentzü aodak jana meindoktsü atema mepishia metetdaktsü.

Tesüiba hopta ishika tsüngda Mokokchung nung kilentzü aodak aika tangbango aser item ajanga anentsüh aser ali anenzüka aoba lendong bener arutsür. Anungji, nisung ajaki shimteta aliba Dumping area/boxes nung dang jana endoktsü mepishir, ta Addl. Deputy Commissioner & Administrator MMC-i ashi.