Mkg ADC ajanga metetdaktsür

Mokokchung, June 14 (TYO): 15th June, 2019 nungi tenzüka Mokokchung nung private night bus ajak Inter-State Bus Terminus (ISBT) Mokokchung nungi dang apusotsü, ta Mokokchung Addl. Deputy Commissioner, W. Manpai Phom-i sangdong ka ajanga metetdaktsüogo.
Iba dak sentakba nung sub-committee senden ka 13th June, 2019 nü mena item tongtibang telemtetbatem agia liasü; mezüngbuba nung city bus-tem akhi mapang nungi tenzüka nikong 1:00 ako tashi Mokokchung town telungtet nung jajatsü, aser nikong 1:00 ako nungi tenzüka 5:00 ako tashiji city bus ana (2) NST main counter Mokokchung town nungi ISBT tashi jajatsü, ta kasa sangdong nungsa metetdaktsü.
NST counter nungi ISBT tashi jajatsü atema city bus mapang yamai lemsar; 1:00 PM – 1:30 PM, 2:00 PM – 2:30 PM, 3:00 PM – 3:30 aser 4:00 PM-4:30 PM. Iba ya 15th June, 2019 nungi mapa akümtsü, ta Mokokchung ADC-isa metetdaktsü.