Mkg ADC-i nübur dang sangdonger

Mokokchung, March 06 (TYO): Nagaland nung plastic amshiba nokdangba dak sendakba nung tamalen sangdongba ama MMC aser MCCI coordination senden nung, plastic nokdangba maparen benoka inyaktsü atema mera ka khen, ka khen ta agia inyaktsü lemtetogo, ta tanü ADC & Administrator, Mokokchung Municipal Council, W Manpai Phom-i sangdong ka nung metetdaktsü.
Iba dak sendakba nung ajak dang, 50 microns dang tajemba single use plastics, talisa plastic bags, plastic cutleries- Styrofoam aser thermocol disposable plates Mokokchung Municipal jurisdiction nung nokdanger, anungji ajaki amaliteptsü mepishir, ta kasa sangdong nung shia lir.