Mkg ADC-i petrol pump tem dang sangdonger

Mokokchung, August 28 (TYO): Nüburtem aser ainlen jajartemi atema bilemja ADC & Administrator, Mokokchung Municipal Council (MMC), W. Manpai Phom-i Mokokchung jila nung aliba petrol pump kiburtem dang anepdang 5:00 ako nungibosa petrol pump lapoktsü aser aonung 8:00 ako tashi lapoktsü metetdaktsüogo.
Tang nungi tenzüka petrol pump kibur ajaki tuyuba amaji inyaktsüla, mesüra temerenshi alitsü, ta ketdangserisa metetdaktsü.