Mkg ADC & MMC Administrator-i metetdaktsür

Mokokchung, April 20 (TYO): Mokokchung Municipal Council (MMC) dumping zone koba Ungma lushi nung lir, ibaji January 2, 2017 nungi mamshir asünung, shingaia yangji jana/ali meindoktsüla, ta Mokokchung ADC & MMC Administrator, Wt. Bendanglilai osang ka ajanga metetdaktsüogo.
MMC asoshi dumping zone tasen ka Mokokchung lushi, “Sabangkaba Menchen” nung yanglua kar, yangji MMC dumper aser ward nem agüja aliba pick-up truck-tem dak alaka tangar kari danga jana indoknüra MMC nungi temelaba agitsüla, ta laisa metetdaktsü.
Jana indokba tesem (dumping zone/dumping box) nung shiruru tasümang yutsüba putetra temerenshi alitsü, ta ADC & MMC Administrator-isa tekümdangtsü olen ka metetdaktsü.