Mkg BJP-i Paiwang Konyak aser Sushil Kumar dang pelar

Dimapur, July 31 (TYO) : Transport, I & P.R Minister, Paiwang Konyak aser Mokokchung DC, Sushil Kumar Patel IAS nati I.S.B.T Khensa nung bus service takok ngua tenzüktsüba atema Mokokchung District BJP züngsem ajak tenüng nung tena dang pelaba metetdaktsür, ta BJP Mokokchung District Tir, Limawati-i sangdong ka nung metetdaktsü.
Iba mapa ajanga Mokokchung jila nung traffic timtem ajema akümtsü aser ano nisung aika atema sen ayangdak angutsü, ta Limawati-i kasa sangdong ajangasa ashi.