Mkg DC ajanga metetdaktsür

Mokokchung, Tsüklai 19 (TYO): Election dak sendakba nung nenok anasa mesüra Mokokchung district kübok ozüng alema inyakba maparen kar danga putetra mesüra atalokba metetra/osang angashira mesüra timtem adokra, district administration dang osang agütsütsü asoshi Mokokchung Deputy Commissioner & District Election Officer, Sachin Jaiswal, IAS-i sangdong ka nung metetdaktsüogo.
Taruba Nagaland Legislative Assembly election ji tipdema aser sadem-sadema agitettsü asoshi nüburtem ajaki district administration den teka amtepa yaritepdaktsünür, ta Mokokchung DC-isa mepishia metetdaktsü.
Nüngdakbapurtemi item teküboklen agüja aliba phone number nung mashi mapang marendaki jembitsü akok. Nenoki osang agütsübaji bangdaki tekaratiba nung mapa küma inyaktsü, ta Sachin-isa metetdaktsü.
Nüngdakbapurtemi item teküboklen agüja aliba phone number nung mashi mapang marendaki jembitsü akok. Nenoki osang agütsübaji bangdaki tekaratiba nung mapa küma inyaktsü, ta Sachin-isa metetdaktsü.