Mkg DC arms license holder dang metetdaktsür

Dimapur, January 18 (TYO) : National Database of Arms License nung züluoktsü atema Mokokchung District kübok arms license holder ajaki tsünglanglen agüja aliba anogotem nung Arm Branch, DC office Mokokchung-i pei indang Arms License booklet bener arutsü aser UIN (sticker) agizüktsü metetdaktsür, ta Mokokchung Deputy Commissioner, Sushil Kumar Patel IAS-i sangdong ka nung metetdaktsü.

Arms License holder kar tsüngdong tonga marutetra, pa/la tenüng nung authorization letter ka bener nisung ka yoktsüla aser tetuyuba ama nisung ka indang license shia sen 50 agitsü, ta paisa ashi.

Mangkolemba Block

(Alongkima/Longchem/Merangmen)   – 1st to 6th Feb. 2016,

Tuli Block                                            – 8th to 12th Feb,

Ongpangkong Block                            – 15th to 19th Feb,

Kobulong Block                                              – 22nd to 24th Feb,

Chuchu Block                                      – 25th to 29th Feb,

Changtongya Block                             – 1st to 3rd March

Mokokchung town & Residing

outside the district                                – 4 to19 March 2016.