Mkg DC & DEO-i Photo voter slip atema metetdaktsür

Dimapur, Tsüklai 20 (TYO): Nagaland Legislative Assembly General Election 2018 dak sendakba nung Photo Voter Slip lemtsütsü atema Mokokchung DC & DEO, Sachin Jaiswal, IAS ajanga Tsüklai 20, 2018 nung totuyuba ka agütsüogo.
Elector tem nem BLO ajanga Photo Voter Slip tem lema agütsütsü asoshi Election Commission of India ajanga totuyuba agüja alibatem aser mapang balala nung teinyaktsütem agüja aliba ama shidak inyaktsüla. Photo Voter Slip tem alemba mapang BLO tem party kata nunga madentsüla aser BLO temi Photo Voter Slip agütsür indang meyongnem mesüra signature meshitsüla. Photo Voter Slip aika nisung ka nem agütsüba memelar, ta DC & DEO, Mokokchung-i metetdaktsü.
BLO temi Photo Voter Slip tem lemtsüba ya Sector Officer teyari dena Returning Officer temi junga achayangtsüla aser ozüng nung aliba ama shidak lemtsütsüla. Observer temi Micro Observer aser Sector Officer teyari amshia Photo Voter Slip tem timi lemtsü asü masüar, metettsü mechi tapi agi meshia reprangdangtsüla. Item totuyubatem tejangja ya District Election Office nungi angutsü, ta kasa sangdong ajangasa ashi.