Mkg DC-i 7 nü tsüngda license aliba prangpong agütsütsü sangdonger

Mokokchung, Aenjeti 20 (TYO): Mokokchung Deputy Commissioner aser District Election Officer Mokokchung, Sachin Jaiswal-i district nung license aliba prangpong kibur ajak dang prangpong aser injang anogo tenetnü tsüngda agüjang, ta tetuyuba agutsüogo.
Sangdong ka ajanga Mokokchung DC-i, 13buba State Legislative Assembly Elections atema sangdongba dak sendakba nung tang tensa asadangogo aser election mapang nung tensa junga azüoktsü atema license aliba prangpong aser injang ajak police stations nung ayutsü nüngdaker, ta metetdaktsü.
Ajisüaka iba tuyuba anema temepishiba agütsünertemi pa/la licence arms agizüktsü atema office aliba anogo nung DC nem tezüluba nung temepishiba agutsütsü akok.
Election osang sangdongba sülen hopta ka lirbo prangpong aser injangji agizüktsü akok, ta sangdong nungsa shia lir.