Mkg DC-i admit card & calling letter atema metetdaktsür

Dimapur, May 17 (TYO): Mokokchung nung LDA cum Computer Assistant/Bench Assistant/Steno/DBs/House Keeper aser Driver mapatem atema tenüng agüja alir ajaki May 25, 2017 tashi DC office nungi admit card aser calling letter agizüktsü metetdaktsür, ta Mokokchung Deputy Commissioner, Sushil Kumar Patel-i sangdong ka nung ashi.
Office anogo shia anepdang 11:00 ako nungi nikongdang 3:00 ako tsüngda Admit cards aser Calling letters agizüktsü akok.
Maneni, LDA/Steno/Bench Asstt atema tenüng agütsürtemi sen 180 aser DBs/House Keeper o Driver atema sen 50 agütsür admit card aser calling letter agizüktettsü, ta Mokokchung DC-isa shisem.