Mkg DC-i arem shiruru akhaba nokdanger

Dimapur, Tsüklai/February 20 (TYO): China nung aser alima nung tesem balala nung Novel Corona Virus (COVID – 19) tashi prokshiba aoba sülen World Health Organization (WHO)-i Public Health Emergency of International Concern (PHEIC) sangdongogo. Iba dak sendakba nung Mokokchung Deputy Commissioner Limawabang Jamir-i Mokokchung District kübok arem shiruru aktsü asoshi tenokdangba agütsüogo aser ashiba agi, shi akhaba ajanga arem shiruru aser nisung na sendakteptsü asoshi lenmang kanga sadema lapoktsür.
Anungji, kija/telok shirnoksa shiakhaba nung shilem agiba putetdir, parnok ajak Wild Life Production Act, 1972 kübok tapet temerenshi agütsütsü, ta kasa sangdong ajanga metetdaktsü.