Mkg DC-i gari requisition atema metetdaktsür

Mkg, Monupii/May 14 (TYO): Tentonü Mokokchung Deputy Commissioner aser Assistant Returning Officer (ARO), Sachin Jaiswal, IAS-i sangdong ka ajanga, Nagaland nung 1- Parliamentary Constituency bye election atema district nung sorkar garitem ajak mekazükogo (requisitioned), ta metetdaktsü.
Iba dak sendakba nung, gari tajung den driver-i Monupii/May 25, 2018 anepdang 10:00 ako tashi nung Imkongmeren Sports Complex tonga arua transport committee ajurutsüla, mesüra Election ozüngtem nung ajemdaker temerenshi alitsü, ta kasa osang ajanga metetdaktsü.