Mkg DC-i I-Day sentong nung adentsü metetdaktsür

Dimapur, August 9 (TYO) : Mokokchung jila nung sorkar mapa inyaker ajak August 15, 2016 nü Imkongmeren Sports Complex nung ayongzüka agiba Independence Day benjung nung adentsü atema tetuyuba agütsür ta Mokokchung Deputy Commissioner, Sushil Kumar Patel-i sangdong ka nung metetdaktsü.
Independence Day sentongji anepdang 8:40 ako nungi tenzüktsü aser District Head of Office ajak pei pei staff indang attendance agir sorkar dangi abentsü atema DC office nem agütsütsü atema Sushil Kumar Patel-isa tetuyuba agütsü.
Mokokchung DC-isa village council züngsemtem aser Ungma, Mokochung, Chuchuyimpang, Khensa yimtsüngtem nungi GBs union, Mokokchung jila nungi GBs aser ward 18 nungi telok balala den public ajak iba anogomung nung arua adentsü ayongzük.