Mkg DC-i IAS scholarship exam atema sangdonger

Mokokchung, Mongputeni/October 04 (TYO): Mokokchung Deputy Commissioner, Rajesh Soundararajan-i, Chief Minister Corpus Fund 2019-2020 kübok Alternative Learning System (ALS) New Delhi den partnership nung Nagaland nungi civil servants jangrar atema IAS scholarship examination agitsü, ta metetdaktsü.
Iba exam ya October 12, 2019 nü anüngdang 11:00 ako nungi nikongdang 1:00 ako tashi Mayangnokcha Govt. Higher Secondary School, Mokokchung nung agitsü aser exam result ji October 16, 2019 nü sangdongtsü.
Iba examination ya UPSC Civil Service/examination yimya nung agia MCQ questions alitsü (questions 100 shia mark anana) aser tai telangzüba shia negative marking 0.33 marks alitsü. OMR answer sheet nung telangzüba agütsütsü atema candidate temi ball pen tanak dang amshitsüla.
Application form ji October 3, 2019 nungi Establishment Branch, DC office, Mokokchung nung agütsütsü aser forms meyipa agütsütsü atema tatembangbuba anogoji October 10, 2019 asütsü. Hall tickets atema forms agütsütsü aser agizüktsü tesemji ASL, IAS Mokokchung Centre (Popular Bakery temalen, Arkong ward, Mokokchung (Co-ordinator ASL, Imtiakum #7005589446) asütsü. Candidate tem arishi kümji August 1, 2019 tashi nung tajemtiba agi küm 20 aser iba dang tema asütsüla.
Nüngdakba Documents ji:-Aadhaar/Passport/voters ID card, ST certificate, Class 12 aser tema indang Marksheet aser Pass certificate, Passport size photograph ana (2 nos), HSLC Admit Card/ Mark sheet mesüra Birth certificate.
ALS Authority Learning Centres trok- Kohima, Dimapur, Mokokhung, Zunheboto, Wokha aser Mon; mashie ka nung course duration ji October 21, 2019 nungi tenzüka küm 1 asütsü.
Class live transmissions ji ALS Delhi nungi agitsü aser class mapangji Hombar nungi Hokolbar tashi nikongdang 2:00 ako nungi aonung 6:00 ako tashi asütsü aser Honibarshia Weekly Current Affairs agitsü.