Mkg DC-i kaketshirtem dang tekümdangtsü osang ka sangdonger

Mokokchung, Tsüklai 05 (TYO): Commissioner’s office, Nagaland nungi osang anguba nung ajemdaker Mokokchung Deputy Commissioner, Sachin Jaiswal, IAS-i unregistered/unrecognized Maritime/Sea-faring Training Institutes/Agencies mesüra Entities ajanga shima aliba kaketshirtem aser candidates dang, tarutsü nung mepetmesü kar danga atalok nunga ibaji pei khuret nung inyaker asütsü, ta metetdaktsü.
Item ama recruitment ji Directorate General of Shipping (DGS) Licensed/Registered Recruitment aser Placement Service (RPS) entities ajanga dang agir, ta paisa metetdaktsü.