Mkg DC-i NH 702 D nung garitem atema metetdaktsür

Dimapur, October 12 (TYO) : National Highway 702 D (Mokokchung-Mariani lenmang) nung Six Wheelers aser teküpok garitem aser 12 (Twelve) tonnes touzük ser teküpok dang senzütsü melar, ta Mokokchung Deputy Commissioner, Sushil Kumar Patel-i sangdong ka nung metetdaktsü.
Mokokchung-Mariani lenmang ya Mokokchung district kübok Assam den sendaktepba tongti lenmang ana rongnung ka lir aser iba ya Mokokchung atema dang masü saka Tuensang, Longleng aser Zunheboto o Wokha district kübok shilem kar atema tongti lenmang lir.
Tzünglu aruba ajanga gari lenmang mejungi raksa lir. Iba tetuyuba ya Executive Engineer PWD (NH) Mokokchung-i mepishiba ama October 31, 2016 tashi agütsür aser iba sülen anidaktsü metetdaktsür, ta Mokokchung DC-isa sangdong nung shia lir.