Mkg DC-i PDS jang dak sendakba osang jangjashitsür

Dimapur, February 06 (TYO): Mokokchung Deputy Commissioner, Sushil Kumar Patel IAS-i sangdong ka nung PDS jang auyazüka ayokba aser Mokokchung Police-i January 31, 2016 nü godown kar mita aoba dak sendakba osang jangjashitsüogo.
Ketdangsertemi godown kar shibangja alibaji fair price shop (FPS) godown masü saka nija godown tem lir aser iba ken o bushisüngdangtsü atema Addl. Deputy Commissioner Hq. Mokokchung lenisüba kübok enquiry committee ka tentetogo aser luden nung Civil Society züngsemtem densema lir, ta Mokokchung DC-isa sangdong nung shia lir.
Teshimtet ludeni iba ken o kanga junga bushisüngdang südar anungji iba inyakyim nung tetsükdaktsü kecha majurutsü atema nübortemi osang tai mebelenshitsü mepishir, ta DC-isa metetdaktsü.