Mkg DC-i Republic Day anogomong atema sangdonger

Mokokchung, January 14 (TYO): Mokokchung Deputy Commissioner, Sachin Jaiswal-i Mokokchung jila nung aliba sorkar mapa inyaker ajak dang, January 26 nü Republic Day sentongji teti agiba tesem- Imkongmeren Sports Complex, Mokokchung nung anepdang 8:40 nungi tenzkltsü, ta metetdaktsü.
Iba dak sendakba nung sorkar mapa inyaker ajak dang iba sentong nung medema adentsü tetuyuba agutsüogo. Iba dak alia District nung Office balala nung tekolakpur ajak dang iba anaogo nung peipei staff pur tenüng ajatsü aser iba osangji Deputy Commissioner nem agutsütsü metetdaktsüogo.
DC-isa Ungma, Mokokchung, Chuchuyimpang aser Khensa yimtsüngtem nung GBs Union den village council züngsemtem aser Mokokchung nung GBs Union, ward 18 nung yimsüsürtem aser jila nung nübur ajak dang iba sentong nung adentsü metetdaktsü.