Mkg DC-i sorkar mapa inyakertem dang sangdonger

Mokokchung, August 07 (TYO): Mokokchung Deputy Commissioner, Rajesh Soundararajan, IAS-i sangdong ka ajanga Mokokchung Town nung sorkar mapa inyaker ajak dang, August 15, 2019 nü Independence Day anogomong sentong teti agia aruba ama anepdang 8:40 ako nungi Imkongmeren Sports Complex, Mokokchung nung agitsü, anungji sorkar mapa inyakertem/kaketshirtem ajak iba sentong nung adentsüla, ta metetdaktsüogo.
DC-isa District Head of Offices ajak dang iba anogo nung peipei staff tem tenüng ajatsü aser iba osangji DC office nem agütsütsü metetdaktsü.
Ano tanga sangdong ka nung Mokokchung DC-i Ungma village, Mokokchung village, Chuchuyimpang Village, Khensa Village nung council Members aser GBs, Mokokchung Town nung GBs, Ward 18 nungi züngsemtem aser Mokokchung jila nung alir nübur ajak dang, August 15, 2019 nü Independence Day anogomong sentong teti agia aruba ama anepdang 8:40 ako nungi Imkongmeren Sports Complex, Mokokchung nung agitsü, anungji ajak dang iba sentong nung adentsü mepishia metetdaktsür, ta metetdaktsüogo.