Mkg dist admin aser MTBA nati koda masürtem chiyungdaktsür

Mkg, April 2 (TYO): Mokokchung district Administration aser Mokokchung Town Baptist Arogo (MTBA) nati koda masür chiyungtsü mangurtem atema angati chiyungdaktsüba mission mapa ka “Community Kitchen” ta sür April 2 nungi tenzükogo aser mezüng anogo nisung noklang ka shii iba maongkaji agia shilem agia liasü, ta osang ajanga angazüker.
Iba Community Kitchen ya MTBA tenla kima lapoker aser ibai tongtibangsa mapa balala inyakertem iba lockdown ajanga pei alidak mouteti alir koda masürtem, tangalen nungi arua ayangertem, hajira wala aser shirnoksa chiyungtsü nungdaka yaa tzüra lir, itemji anitena angati chiyungdaktsür.
Asen kidanger aser kiyonger kar danga koda masüba tia nung timtema lira parnok nemji osang agüja item mobile number (8837310159/9436439033/9774616981) nung tongtepratepa iba teyariji agitettsü akok. Iba mapa ya lockdown matem tashi aotsü aser community kitchen-ji anepdang 11:00 nungi nikong 1:00 ako tashi lapoker.