Mkg District Bharat Scouts & Guides 66 buba Foundation day amung

DYRO Mokokchung along with other other officials on the occasion of 66th Bharat Scouts & Guides Foundation Day celebration at Mokokchung on 7th November 2016.

Dimapur, November 8 (TYO) : November 7, 2016 nü Mokokchung District Bharat Scouts & Guides 66 buba Foundation day amung.
Iba sentongji District Youth Resources, Mokokchung nung amung aser District Youth Resources Officer, K. Libemo Jami-i tajungshi o jembi.
Kaketshirtemi nübo agüja lokti asoshi mapa inyaktsü angatetdaktsütsü nükjidong nung Scouts & Guides movement tenzük, ta pai ashi.
Kaketshirtem extra-curricular activities ajanga taküm nung tangazükba agi angazüker aser Mokokchung district nung Scouts aser Guides aika aliba ajanga, bangdak ketdangsertemi iba asoshi nendaka inyakba sayur, ta K. Libemo Jami-isa ashi.
Sentong nung ADOC (S), Nungsanglemba-i o jembidang ashiba agi, “Boy Scouts Association India, Hindustan Scouts Association aser Girl Guides Association loktepba sülen Bharat Scouts & Guides ya November 7, 1950 nü tenzük.”
Iba sentong nung mendenji Scout Master Purtoshi liasü aser DTC, Jongpongla-i temoatsü meshia sarasadem.
Bharat Scouts & Guides ya World Organization of Scouts Movement aser World Association of Girl Guides and Girl Scouts nati recognized süa lir.